***** سواچي الدم ******

قصيدة نبطية تتكلم عن حلب وسوريا بشكل عام
كلماتي وإلقائي

سالت سواچي الدم فوق تلالها
وتزينت أم الشهيد بشالها

وقالت فديتك ياحبيبي بالقلب
والدمع غرّق جيدها وسلسالها

صاحت وقالت عند ربنا الملتقى
آني حلب أم الكرم برجالها

قهوة حلب ماتنقطع لا والذي
فجر سواچيها وارسى جبالها

وان جار يوم الوقت لا ماننحني
نحط الدِّما بفنجالها وبدلالها

هذي حلب مشهور عزها من قبل
ما ميلت كل العرب بعقالها

لا ما نموت بكل قنابلكم ترى
تروح الزلم لكن تظل فعالها

نحن الطيور اللي تحلق بالسما
وننقض رغم الموت فوق انذالها

ونحن المراجل والمروءة والوفا
ونحن الأرض لو زلزلت زلزالها

ونحن الأسود ياللي تربض بالشرى
وعند الوغى تدحم جميع اشبالها

هذي الرسالة لكل عميل واجنبي
جاي لأراضي الشام يريد اذلالها

تخسى شواربكم وهذي ارضنا
والخيل ماتعشق سوى خيالها

كلمات طارق محمد الحمادي